နိုင်ငံပိုင်စီးပွားရေးလုပ်ငန်းတွေရဲ့စာရင်းဇယားတွေ စနစ်တကျမှားယွင်းမှုတွေရှိနေ

 

 

ရန်ကုန်၊စက်တင်ဘာ- ၂၀၊၂၀၁၉

မင်းရန်နိုင်

 

နိုင်ငံပိုင်စီးပွားရေးလုပ်ငန်းစုများရဲ့စာရင်းဇယားတွေကိုစာနဲ့ဖြစ်စေ၊နှုတ်နဲ့ဖြစ်စေတောင်းယူစစ်ဆေးခဲ့ရာမှာခက်ခဲမှုတွေရှိနေပြီးစနစ်တကျမှားယွင်းမှုတွေရှိနေတယ်လို့မြန်မာနိုင်ငံပွင့်လင်းမြင်သာမှုနှင့်တာဝန်ယူမှု၊တာဝန်ခံမှုဆိုင်ရာအရပ်ဘက်မဟာမိတ်အဖွဲ့(MATA)ကပြောပါတယ်။

 

MATA အဖွဲ့က“မှားယွင်းသောသယံဇာတစီမံခန့်ခွဲမှုကအကျင့်ပျက်ခြစားမှုနှင့်သယံဇာတကျိန်စာကိုဖြစ်ပေါ်စေခဲသလား”ဆိုတဲ့အစီရင်ခံစာထုတ်ပြန်ခြင်းအခမ်းအနားကိုရန်ကုန်မြို့အော့ကစ်ဟိုတယ်မှာဒီနေ့စက်တင်ဘာ ၁၉ ရက် မနက်ကပြုလုပ်ခဲ့ပါတယ်။

 

“နိုင်ငံပိုင်စီးပွားရေးလုပ်ငန်းတွေကစနစ်တကျနဲ့ယိုပေါက်တွေရှိတယ်။အိတ်ပေါက်နဲ့ဖားကောက်ခဲ့ရတာလည်းခေတ်အဆက်ဆက်ဖြစ်ခဲ့တယ်။ဒီအချိန်မှာဒါတွေကရပ်တန့်သင့်ပြီ”လို့MATA အဖွဲ့ဝင်  ဒေါ်မိုးမိုးထွန်းကပြောပါတယ်။

 

ကွာခြားငွေက၂၀၁၄-၁၅ခုနှစ်ဘဏ္ဍာနှစ်အတွင်းEITI Report အစီရင်ခံစာတုန်းကကချင်၊ကယား၊မကွေး၊ကရင်၊မွန်ဒေသတွေကိုတစ်နှစ်စာပေးရတဲ့ပြည်ထောင်စုဘတ်ဂျတ်နဲ့ညီမျှနေတယ်လို့သိရပါတယ်။နိုင်ငံပိုင်စီးပွားရေးလုပ်ငန်းတွေကိုပြုပြင်ပြောင်းလဲမှုတွေမလုပ်နိုင်သရွေ့ဖက်ဒရယ်လည်းသွားလို့ရမှာမဟုတ်ဘဲစီးပွားရေးနဲ့ပတ်သက်ရင်နိုင်ငံပိုင်စီးပွားရေးလုပ်ငန်းတွေကိုကျော်လွန်လို့မရတဲ့အတွက်စိန်ခေါ်မှုတွေများနေတယ်လို့ဒေါ်မိုးမိုးထွန်းကဆိုပါတယ်။

 

နိုင်ငံပိုင်စီးပွားရေးလုပ်ငန်းစုတွေဖြစ်တဲ့ရေနံနဲ့သဘာဝဓါတ်ငွေ့ကဏ္ဍထုတ်လုပ်မှုစာရင်းမှာကုမ္ပဏီမှထုတ်ပြန်တဲ့စာရင်းနဲ့နိုင်ငံပိုင်စီးပွာရေးလုပ်ငန်းမှထုတ်ပြန်တဲ့စာရင်းနှစ်ခုအကြားခန့်မှန်းအမေရိကန်ဒေါ်လာ၁ဒသမ၂ဘီလျံနီးပါးတန်ဖိုးရှိသောဓါတ်ငွေ့ကုဗသန်းပေါင်းတစ်သိန်းကျော်ကွာနေခြင်း၊ကျောက်စိမ်းရောင်းချမှုစာရင်းမှာလည်း  ခန့်မှန်းယူရိုသန်း၃၆၀ကျော်တန်ဖိုးရှိတဲ့ကျောက်စိမ်းကီလို၂သိန်းနီးပါးကွာခြားနေတာတွေအပြင်တခြားသတ္ထုကဏ္ဍမှစာရင်းကွာခြားချက်တွေလည်းရှိနေတယ်လို့ဒီနေ့ထုတ်တဲ့အစီရင်ခံစာမှာဖော်ပြထားပါတယ်။

 

ဒါ့အပြင်မြန်မာနိုင်ငံမှတရုတ်နိုင်ငံသို့သွယ်တန်းထားတဲ့ဓာတ်ငွေ့ပိုက်လိုင်းတွေအတွက်နှစ်စဉ်မြန်မာကျပ်ငွေဘီလျံပေါင်းများစွာဆုံးရှုံးနေတယ်လို့လည်းဖော်ပြထားပါတယ်။

 

#voiceofmyanmar #MATA  #နိုင်ငံပိုင်စီးပွားရေး #စနစ်တကျမှားယွင်း

 

Related posts

Leave a Comment