ကန့်ကွက်ခံရတဲ့ မင်းတပ်ခရိုင် အန်အယ်လ်ဒီ ပါတီရုံးဆက်ဆောက်မည်

မင်းတပ်စက်တင်ဘာ၂-၂၀၁၉

မိုင်ချယ်ရီ (VOM)

 

ချင်းပြည်နယ်မင်းတပ်မြို့ပေါ်မှာအမျိုးသားဒီမိုကရေစီအဖွဲ့ချုပ်ပါတီရဲ့ မင်းတပ်ခရိုင်ပါတီရုံးတည်ဆောက်နေတာနဲ့ပတ်သက်ပြီး ဒေသခံအချို့ကကန့်ကွက်မှုတွေရှိနေပေမယ့်တည်ဆောက်မှုကိုဆက်လက်အကောင်အထည်ဖော်သွားမှာ ဖြစ်ပါတယ်။

 

ချင်းပြည်နယ်လွှတ်တော်ဒုဥက္ကဌ တစ်ဦးလည်းဖြစ်မင်းတပ်မြို့နယ်ရဲ့ပါတီဥက္ကဌလည်း ဖြစ်သူဦးတိတ်ထန်းက ခုလိုပြောပါတယ်။

 

“မိုးတွင်းဖြစ်တဲ့အတွက်ကြောင့်မိုးကလည်းတအားရွာတဲ့အတွက်ကြောင့်ယာယီရပ်ဆိုင်းမယ်ဆိုတဲ့သတင်းပဲကြားရတယ်။မိုးမရွာဘူးဆိုရင်တော့ပိုက်ဆံကလည်းသိန်း၇၀ပတ်ဝန်းကျင်ကုန်နေပြီဆိုတော့ ဆောက်လုပ်ရေးကော်မတီအနေနဲ့ဆက်ပြီးမှ ဆောက်မယ်လို့ ပြောသံကြားပါတယ်။ေ ရစမ်းဦးဆိုတဲ့ဟာကဒီနေရာမှာရှိတဲ့သူတွေကကန့်ကွက်တာမဟုတ်ပဲတစ်ဦးတစ်ယောက်တည်းကကန့်ကွက်တဲ့အပိုင်းရောက်တယ်။ မကြာသေးခင်ကကွင်းဆင်း မေးမြန်းတဲ့အခါမှာတစ်ဦးတစ်ယောက်မိသားစုတစ်စုကပဲကန့်ကွက်တဲ့သဘောဆိုပြီးကွင်းဆင်းသူတွေ ပြောလို့သိရတယ်။ ဒါကြောင့်ဘာပဲဖြစ်ဖြစ်မိုးကုန်ပြီဆိုရင်တော့ဒီဟာကိုစပြီး ပြန်ဆောက်မယ်လို့သိရတယ်”။

 

 

မင်းတပ်ခရိုင်အမျိုးသားဒီမိုကရေစီအဖွဲ့ချုပ်ပါတီရုံးမင်းတပ်မြို့စံပြရပ်ကွက်ကွက်စိတ်(၉) ဦးဝမ္မသူမောင်လမ်း မြေကွက်အမှတ်(၆၄)နေရာမှာ၂၀၁၉ခုနှစ်သြဂုတ်လကနေစတင်တည်ဆောက်နေခဲ့တာဖြစ်ပါတယ်။

 

စတင်တည်ဆောက်ချိန်က မြို့နယ်စည်ပင်သာယာရေးကော်မတီရဲ့တရာဝင်ခွင့်ပြုချက်နဲ့တည်ဆောက်ခဲ့တာဖြစ်ပါတယ်။ဒါပေမယ့်အဆောက်အဦး ဆောက်နေတဲ့ နေရာဟာရပ်ကွက်နေပြည်သူတွေအသုံးပြုနေကြတဲ့ မြေအောက်ရေထွက်ရှိရာ ရေစမ်းဦးဖြစ်တာကြောင့် မြို့ပေါ်နေတဲ့ ပြည်သူတွေကကန့်ကွက်ခဲ့တာကြောင့်ဌာနဆိုင်ရာတာဝန်ရှိသူတွေကွင်းဆင်းစစ်ဆေးခဲ့ပါတယ်။

 

အဲ့ဒီလိုစစ်ဆေးတဲ့အခါမှာ မြေအောက်ရေထွက်ရှိတာကို တွေ့ရှိရတာကြောင့်အဆောက်အဦးတည်ဆောက်မှုကိုယာယီရပ်နားဖို့ဆိုပြီးသြဂုတ်လ၉ရက်နေ့မှာ မြို့နယ်စည်ပင်သာယာကော်မတီကနေစာထုတ်တားမြစ်ခဲ့တာဖြစ်ပါတယ်။

 

ဒီလိုတားမြစ်ခဲ့ပြီးတဲ့ နောက်မှာတော့ဆက်လက်တည်ဆောက်ရန်သင့်မသင့်ဆိုတာနဲ့ပတ်သက်ပြီးဌာနဆိုင်ရာတာဝန်ရှိသူတွေကွင်းဆင်းစစ်ဆေးပြီးတဲ့အခါမှာမူလနေရာမှာပဲဆက်ဆောက်ဖို့ ဖြစ်လာခဲ့တာဖြစ်ပါတယ်။

 

 

#voiceofmyanmar #မင်းတပ် #ခရိုင်အန်အယ်လ်ဒီပါတီရုံး

Related posts

Leave a Comment