ရခိုင်ပြည်နယ် လုံခြုံရေးနဲ့ နယ်စပ်ရေးရာဝန်ကြီးအဖြစ် ဗိုလ်မှူးကြီးမင်းသန့်ကို အဆိုပြု

စစ်တွေ၊ သြဂုတ် ၁၄-၂၀၁၉

ခိုင်လင်းစံ (VOM)

 

ရခိုင်ပြည်နယ် လုံခြုံရေးနဲ့နယ်စပ်ရေးရာဝန်ကြီး ဗိုလ်မှူးကြီးဖုန်းတင့်နေရာမှာ အနောက်ပိုင်းတိုင်း စစ်ဌာနချုပ် အမ်းက ဗိုလ်မှူးကြီး မင်းသန့်ကို အစားထားခန့်အပ်ပေးသွားဖို့ ရှိနေပါတယ်။

 

နယ်လုံဝန်ကြီးအဖြစ် လက်ရှိတာဝန်ထမ်းဆောင်နေတဲ့ ဗိုလ်မှူးကြီးဖုန်းတင့်ကို တခြားတာဝန်ပေးအပ်သွားမှာ ဖြစ်တဲ့အတွက် အခုလိုအစားထိုးရတာဖြစ်ပြီး ဒီကနေ့ သြဂုတ် ၁၄ ရက်မှာ ကျင်းပပြုလုပ်ခဲ့တဲ့ ၂/၂၀၁၉ အရေးပေါ်အစည်းအဝေးမှာ တပ်မတော်သားလွှတ်တော်ကိုယ်စားလှယ်အဖြစ် ကျမ်းသစ္စာကျိန်ဆိုခဲ့တာ ဖြစ်ပါတယ်။

 

“ကျနော်တပ်မတော်မှာ တာဝန်ထမ်းဆောင်တာ နှစ် ၃၀ ရှိသွားပါပြီ။ ဒီတာဝန်တွေက ကျနော်တို့ ငယ်ငယ်ကတည်းက ထမ်းဆောင်လာတာ ဖြစ်ပါတယ်။ ကျနော်တို့ လုပ်တဲ့ကိုင်တဲ့အတွေ့အကြုံတွေ၊ ဖြတ်သန်းလာတဲ့ ဘဝတစ်လျှောက် အုပ်ချုပ်မှုကိစ္စတွေ၊ စစ်ရေးကိစ္စတွေ၊ နိုင်ငံရေးကိစ္စတွေ အများကြီးရှိပါတယ်။ ဒီတာဝန်ကိုလည်း လုံလုံခြုံခြုံ၊ ပြေပြေလည်လည်ဆောင်ရွက်နိုင်မယ်လို့ မျှောင်လင့်ပါတယ်။”လို့ အသစ်ခန့်အပ် တာဝန်ပေးအပ်ခြင်းခံရမယ့် ဗိုလ်မှူးကြီးမင်းသန့်က ပြောကြားခဲ့ပါတယ်။

 

ဒါ့အပြင် လက်ရှိမှာ ရခိုင်ပြည်နယ်ဟာ တပ်မတော်နဲ့ AA တို့အကြား နှစ်ဖက်တိုက်ပွဲဖြစ်ပွားမှုတွေ ပြင်းထန်နေတဲ့ဒေသတစ်ခုဖြစ်သလို အရပ်သားထိခိုက်သေဆုံးမှုတွေလည်း များပြားလာနေတာဖြစ်ပြီး ဒီအပေါ်မှာ ပြည်သူလုံခြုံရေးအတွက် အပြည့်အဝဆောင်ရွက်သွားမှာဖြစ်တယ်လို့ သိရပါတယ်။

 

“တပ်မတော်အနေနဲ့တော့ နိုင်ငံတော်ရဲ့ လုံခြုံရေးနဲ့ ကာကွယ်ရေးကို ဆောင်ရွက်နေတာပါ။ ဖွဲ့စည်းပုံအခြေခံဥပဒေ ၄၀ မှာလည်း ပါပါတယ်။ ကျနော်တို့ကတော့ ကျနော်တို့နိုင်ငံနဲ့ ပြည်သူလူထုကို အတတ်နိုင်ဆုံး ပြည့်ပြည့်ဝဝကာကွယ်ပေးနေတာဖြစ်ပါတယ်။”လို့ ဆက်လက်ပြောဆိုပါတယ်။

 

လက်ရှိတာဝန်ထမ်းဆောင်နေတဲ့ ဗိုလ်မှူးကြီး ဖုန်းတင်ဟာ ပြီးခဲ့တဲ့ ၂၀၁၇ ခုနှစ်က ရခိုင်ပြည်နယ်ရဲ့ လုံခြုံရေးနဲ့ နယ်စပ်ရေးရာဝန်ကြီးအဖြစ် ခန့်အပ်တာဝန်ပေးအပ်ခြင်းခံခဲ့ရတာဖြစ်ပါတယ်။ အခုအသစ်ခန့်အပ်မယ့် ဗိုလ်မှူးကြီး မင်းသန့်ဟာလည်း ၂၀၁၆-၁၇ ခုနှစ်အတွင်း တပ်မတော်သား ပြည်သူ့လွှတ်တော်ကိုယ်စားလှယ်အဖြစ် တာဝန်ထမ်းဆောင်ခဲ့သူတစ်ဦးလည်း ဖြစ်ပါတယ်။

 

#voiceofmyanmar #ရခိုင် #လုံခြုံရေးနဲ့နယ်စပ်ရေးရာဝန်ကြီး

Related posts

Leave a Comment